تـخ ـيـــلاتـ

[المايسترو]

تخيل انك في الحب غارق.. توفي .. وهي تخون ..تضحي..وهي تغدر..
وفي يوم تنصدم بالواقع وتكتشف الخيانه .. وقتها مالك الا احد الحلين .. ..
ياتندم وتتوب أو الاكيد ترجع من جديد تدور خاين جديد..

........

تخيل صديقك الصدوق.. تفديه بعمرك .. و تقول هذا بحقه قليل ..
وفي يوم بين الحيى والموت يكون.. يحتاج حياتك بحق وحقيق..
تتبرع له بكلى ولا يموت .. بتتبرع!!؟؟ .. ولا كالعادة تنساه ويموت ..

........

تخيل انك ماتشوف .. اعمى .. ولا تدري وش معى كلمه لون ..
ماتعرف (الابيض )ولا كيف( الاسود ) يكون..
وفي يوم تفتح عيونك وتشوف .. تشوف الخيانه.. تشوف الغدر..
واللي يقتل اخوه عشان ديون ..
بعدها تبي تشوف ولا ترجع زي اول ماتشوف ..

.........

تخيل انك بين الحيا والموت .. ماتقدر تنطق ولا تقدر تقوم ..
وفي يوم تفتح وتقوم .. بمعجزه من رب العالمين..
بعدها بتشكر ربك وتعرف كيف الواحد لازم يكون ..
ولا بترجع بعد يوم تسكر وتنكر وتظلم
وتقول الحياه لازم كذا تكون..

.........

تخيل انك قدام التلفزيون تشوف احداث عالمنا الغريب .. تشوف العراق واللي يصير..
تشوف فلسطين والاطفال ميتين .. تشوف الام والاخت تنهان .. تشوف الظلم..بعدها ...
ياتحزن وتسكت .. او بالغالب تغير القناه وتقوم..

..........

تخيل انك ماشي بسرعه جنونيه تسوق..وتصدم شايب عجوز بعصاه يتكي..ويموت..
وبعد ساعه ويمكن دقيقه..يبين التقرير الواضح الصريح النزيه ..ويكون المجني جاني..
و يكون الشايب المسكين الميت غلطان..اكيد بعدها..ماتستحي..
بتطلب سياره جديده .. بدال اللي خربها الشايب المجنون..

.........

تخيل انك تزعل امك .. وترجع اخر الليل سهران .. وهي تستناك .. تصلي وتدعي ماتنام ..
تدعي بصوت عالي تطلب من ربها يهديك ويصلح حالك ..
يا تجيها تركض تحب راسها وتدمع عيونك وتندم على عقوقك ..
ولا الاكيد تكابر وترفع راسك .. وتخليها وتروح ..

.........

تخيل انك تعمل... لا ماتعمل .. كل اللي عملته في دنياك معاصي ..

كلها كذب ونفاق وخيانه وغدر ..وعقوق
لا صلاه .. لا دين .. لا صلاح ..

وفي يوم يشيلونك بالاكتاف ويحطونك في حفره بالحالك تنام ..
كيف نهايتك وقتها بتكون...

.

.

.

تخيل وتخيل وتخيل .. وبالاخير تكتشف انها ماهي تخيلات .. للاسف هذا واقعنا الاليم ,, .

[هَمَسَة صَمَتَ]

وش نسوووي وانا اختـك هذي هي الحياهـ =)

:

ثـأإأنـكس عالمووضووووع :rose:

[prince-jeddah]

يعجبني اسلوبك000اخذتنا الى هناك ثم عدت بنا الى مكان اخر لكنه ليس المكان اولال000ثم ذهبت بحيث لم اعد ارى الكلمه000وكانها سراب 00وفجأة تجلت امامي 000فكانما قطفت من كل وردة ورقه000وابحرت بي في عالم التخيلات00جميل ان نهرب من الواقع لكننا نعيشه 00وتزيديني تاكيدا ان الواقع به الم واهات 00لكننا اذا لم نملك الاحساس فلن يكون لدينا رة فعل تجاه الاخبار التي نسمعها او الجمل المنثوره امامنا000وذكرتنا بنعم الخالق علينا000وصغت ثمن الاخطاء في قالب مستدير ليس له اطراف بل هو مفتوح من جميع الجهات000ربما ايقظت بعض المشاعر الغائبه 000وصغت الجمل وجمعت شتات الافكار لكنك لم تبعثر الحروف 000فظهر موضوعك راقيا

ودمت بود وسلمت يمينك
ابو غـــــــــــــــــــــاده

[حلاها سعودي]

مشكور مايسترو على ما باح به قلبك ..
وخطه قلمك ،،
والله انها سطور تخط بماء الذهب !!
ويعطيك الف عافيه ..
حلاها :SaamT (160):

[مجرمه مع سبق الإصرار]

الله يهدي الجميع و يصلح الحال ..

يسلموووووو أخووووووي على إبداعك ..

ربي لا يحرمنا من جديدك ..

ربي يسعدك و يوفقك ..

تحياتي & تقديري

[أنفآس الفجر]

ربي يسلمك
ولا يحرمنا مواضيعك الحلوه.,,ربي يحلي ايامك..

ودي يسبق ردي..