اِشتاقت للرَحيل [ بقلمي ] [الأرشيف]

حُلم .!

06-14-2011, 04:14 PM

[ الفصل الأول ]

كانت تِمشي بخطوات بطيئة , وعيونها تلاحق المارين والمحلات .. واهي بالها بعيد عَن الواقِع

تمشي مِثل الجسد بلـاآ روح , وهاي حالها مِن 3 سنين . ! ,,.
قِدام اهلها كانت مثل ما اهي , رغم الصدمة الـاآ انها ما مالت وتمت شَامخة تتصنع الطِناش والرَجة .
مَحد يِدري عَن قلبها اللي انَكسر وصأر مُجرد " حُطام , صديقاتها - ما عدا " دانا " - كانوا يدرون لكنهم حاطين ببالهم انها خلـاآص عدت ونست كل شي !.
لكِنها في كل لحظة تعدي تتذكر جُزء من ذكرياتها اللي ما انقضت ابداُ .!

دخلت للمَكتبة ولمت لها كم من كتاب وحسبتهم , وعقبها راحت صُوب صَديقة عُمرها ورفيقة َدربها " دانا "
قعدت على الكُرسي وطلبت لها " كولد كوفي " وردت تتأمل باللي قاعدين حواليها .

دانا وهي مخترعة : وانتي متى وَصلتي ؟
وصايف : قبل شُوي
دانا : خرعتيني مالك حس ! فيكِ شي ؟
وصايف تبتسم لها بـ عفوية : لا لاا مافيني شي
دانا : ها كيف مُستعدة للحفلة ؟
وصايف : والله مالي خاطر اروح , بس شنسوي ان ما رحُت بتقول عني قاآطعة وبتحش فيني لين بُكرة.
دانا : وانا اقول لك ما عليكِ منها , ياخي طنشي كلامها وكلام غيرها !
وصايف : الله يستر , شكلي منبوذة من قبل الكِل .

سكتت عنها " دانا " لانها متعودة عليها وتعرف انه " وصايف " ما تثق بـ نفسها وبـ قُدراتها ودايم تحط نفسها بـ آخر اللستة . رغم انها انسانة موهوبة , ورزينة واخلاقها فوق !
طلعوا مِن المول لـ مواقف السيارات , وراحت " دانا " تدخل الاغراض . بينما " وصايف " كانت تتأمل بـ نفسها من منظرة السيارة .. كانت تتأمل بـ ملامحها وبشرتها السسمرا وعيونها الكحلية وجمالها العادي .. وفجأة ! انهالت عليها الذكريات مثل المطر , فـ نزلت من عيونها دمعة يتمية حاولت تمسحها قبل ما تجي " دانا " وتهاوشها على حالها ...
وصلوا لبيت " دانا " عشان يتجهزون للحفلة اللي مسويتنها وحدة مِن بنات الكلية بمُناسبة عيد ميلادها في احد القاعات الفاخرة بسبب الحياة الرفاهية اللي تعيشها !

قعدوا " وصايف " و " دانا " يجهزوا الاغراض وياكلوا خفايف لين ما توصل صديقتهم " رفيف " عشان يكملوا الثُلاثي المَرح ويتجهزوا مع بعض .

-----

... : يعني وين ادور عليها ؟
سمر : والله مادري يا اخوي , اهي مُسافرة
.... : ومتى صار هالشي ؟
سمر : امممم قبل سنتين تقريباً
... : طيب مشكورة , مع السلامة .

قعد يتنهد واهو يبعد خصلات شعره عن عيونه الخضرا وكان ملامح التعب باين عليه .. قضى اسبوع واهو ينتظرها ويحاول يدور عليها , ويقعد بسيارته صوب بيتهم عشان يراقبها اذا كانت موجودة او لا , لكن مافي اي آثر لها !
وهاي اهو الحين تجرأ يسأل جيرانهم عنها وتأكد انه من جد ما يستاهلها لانها اختفت !
عيشها سنين العذاب , وكذب عليها , خانها .. مثل دور الشَخص الميت وخلاها تنتظره لـ اشهر وبالنهاية تم يِقارنها مع حبيبته الاولى اللي تركته وراحت , مثل ما اهو ترك " وصايف " وراح ....
ما يقدر يسأل اهلها عنه , لانه ماله وجه عُقب اللي سواه ... وش بيقولون عنه !
كانت تِحبه اكثر مِن اي شيء , لـاآ كانت تتنفس هواه !
تم على هالحال لين ما سمع صوت جواله يرن ..

جواد : السلام عليكم ,,
فيصل : وعليكم السسلام يابو الشباب وصلت للبلاد وما تخبرني ! احيدك للحين بـ بريطانيا
جواد : لـاآ لي اسبوع راد , اخبارك ؟ واخبار الشباب ؟
فيصل : الحمدلله يسسلمون عليك , الـاآ دامك اهني راح اعزمك انا والشباب على العشا
جواد : والله ودي لكني مشغول
فيصل وصوته تغير : عسى ما شر !
جواد :...........
فيصل : خرعتني يابوك قل لي شسالفة ؟ يعني اكيد ردتك للبلد فيها ان ولـاآ انت من سنين وحاشر نفسك عند اهل الوالدة
جواد : مادري وش اقول لك يا فيصل
فيصل : افا عشرة عُمر وانا اخوك خبرني ..
جواد : ادور على ..... ادور على وصايف
فيصل وبصدمة : شششنووووووو ؟!

----

حطت لها اللمسات الأخيرة وخلتها تبطل عيونها , وتمت " رفيف " تصفر من الصدمة ..

وراحت على السريع تسوي لها فحم عشان يبخرونها ..

دانا واهي شاقة الحلق : ما شاء الله عليكِ وصووف طاآلعة كـ انك بـ يوم عرسك
وصايف وبـ ابتسامة باهتة : وانتي بعد طالعة قمر يا بعدي ..
دانا : لـاآ عاد انا محشومة...

دخلت عليهم " رفيف " واهي ماسكة المجمر وتقرأ التعاويذ وتبخرهم ..
كانت " وصايف " لابسة فستان بنكي ناعم يتوسطه شَريطة حمرا و مكياج وردي فاتح ورافعة شَعرها لـ فوق ولابسة تاج صغير , وطلع شِكلها حلو خاصة واهي بششرتها بيضا وعليها جِسم ..
اما " وصايف " فـ كانت لـاآبسة فستان احمر قصير فيها شغلات ذهبية و جاكيت ذهبي صغير , ورافعة شعرها ذيل حصان ومكياجها سموكي على ذهبي ..
والعربجية " دانا " اكتفت بتنورة قصيرة عشبية وبلوزة زرقا على عُشبية وسسوت شعرها رولـاآت كبيرة وخلته مَفتوح ..

رفيف : ايه ده يا قمرات , خاصة " وصايف " ولـاآ كـ انك ام !
وصايف : ههههههه وانتي طالعة باربي
دانا واهي تمزح : باربي لكن دبدوبة هههههههه

ضربت " رفيف " " دانا " بكتفها بمزاح وعُقب لبسوا عبايتهم والوقاية ونقاب " بما انهم مُتمكيجات " ما عدا " دانا " لبست العباية بس لانها ما تتحجب وطلعوا للقاعة عشان " وصايف " لازم تعدل شغلات بالقاعة لانها ذويقة وتحاول تشتغل وتدرس بنفس الوقت فـ اختارت شغلة تزيين الكوشات براتب مُحترم عشان تِقدر تتحمل تكاليفها وتكاليف ابنها !

" رفيف " اكبر بنات الشلة , عمرها 26 سنة وعندها ولد وبنتين " سعود " عمره سنة ونُص و " سندس " عمرها كم من شهر متخرجة وتشتغل بحضانة الأطفال , واما " دانا " فـ اهي الوُسطى وعزباء عُمرها 23 سنة وعايشة حياتها وما تِفكر بالزواج او الحُب بعد قصة حُب فاشلة ! وتشتغل بـ بنِك واما " وصايف " فـ قصتها طويلة وعمرها 22 سنة وعندها " ليث " عمره سنتين , وتدرس مُحاماة .

وصلوا البنات للقاعة وراحت كل وحدة منهم لـ صوب , واما " وصايف " طلعت العباية والوقاية وحطتهم بالمخزن و طلعت تحط اللمسات الأخيرة للقاعة ,, كانت القاعة مرتبة بـ طاولات دائرية وكراسي والادوات الفخمة وكل طاولة يتوسطها فخار زجاجي على شكل بجعة فيها ورود الجوري , وعلى الطرف اليمين طاولات مُرتبة للبوفيه , والكوشة كانت فكرتها مثل الكرسي على شكل بجعة في بركة صغيرة , ومعلقين نموذج للقمر . ضحكت " وصايف " على فكرة سخافة " ريماس " اللي اعمتها الرفاهية لدرجة انها تسوي حفلة عيد ميلادها كـ حفلة زفاف تكلف الاف الريالات !

وعقب دخلت لدورة المياه " اكرمكم الله " عشان تعدل نفسها لانه البنات بدوا يجون وبدت القاعة تزدحم ....

دانا : يلا باي اشوفكم بالقاعة , بروح احجز لي طاولة قبل لا يخلونا نوقف ! عاد تعرفين " ريماس " مشغلتنا خدم عندها
وصايف : لا تحقدين عليها ...
دانا : وانتي لا تخلينها تقص عليكِ , ما يكفي رضيتي ترتبين لها القاعة بنص المبلغ !!!!
وصايف : لاننا زميلات , فـ ما حبيت اكسر خاطرها ... يعني لزوم اسسوي عمري الفتاة التي ما تهون عليها عشرة ايام الثانوية ههههههههه
دانا واهي منقهرة : طيب طيب , اشوفكم برا
رفيف : بالله وصوف اتصلي على امي , بتطمن على عيالي
وصايف : ههههههه امداهم وحشوكِ , بس تصدقين انا بعد وحشني " ليث " فديته مالي غيره ..

----

قاعد سرحان يراقب موج البحر من بعيد واهو قاعد في كافيه صوب الشاطئ , " فيصل " تم ساكت معه مايدري وش يقول .

وكان " جواد " لحظتها يسترجع كل اللي صَار ... يعني معقولة عقب 3 سنين يحس بقيمتها ! ويكتشف انه كان من جد يحبها ..

فيصل : لا تتعب عمرك وانا اخوك , تلقاها متزوجة الحين
جواد وبصدمة : لا مُستحيل وصايف تحبني
فيصل : بس اهي للحينها صغيرة واكيد قررت تكمل حياتها , بقول لك شي وما ابيك تزعل مني
جواد : وششش ؟!
فيصل : ان كانت فرحانة ومكملة حياتها على هالسجية لا تخربها لها , يكفي انك عذبتها وانفصلتوا بفترة قصيرة ! وخليت ولدك يتيم ما يتذكر ابوه
جواد بـ انفعال : انا كنت وقتها غبي , تدري وش يعني غبي ؟ توقعت اني لو جرحتها بتسامحني مثل ما كانت تسوي قبل لا نعرس
فيصل : القرار راجع لك , بس لو تحبها من جد بتخليها تعيش حياتها
جواد : ............

----

.... : من ذي اللي كانت جنبك ؟

رفيف وبعفوية : صديقتي وصااايف , طالعة حلوة صح ؟
.... : اي ما شاء الله عليها كم عمرها ؟
رفيف : ما بتصدقين لو قلت لك انها ام !!!
.... : من جدك !!
رفيف واهي تضحك : هالبنت قصتها طويلة ... وحزينة
.... : احكيها لي لو مُمكن !
رفيف : بس يا ويلك لو قلتي لها !!!
.... : لا تطمني ما بقول لها , بس مفكرة اخطبها لـ اخوي ههههههههه
رفيف : يلا اسمعي القصة ,,,, وصايف صديقتي من ايام واهي في المتوسط والشعشبونة " دانا " بس اهي تعرف دوين قبلي واهي يتيمة تعيش عند خالتها اللي تحبها وتخاف عليها مثل امها, وكان ولد عم دوييينوه يحب " وصايف " وهو من نسل اجنبي و " وصايف " كانت تحبه وما تعرف اي شي عن ماضيه المُزفت ! بس كانت تلاحظ عليه حركات غريبة وتسمع من اهل " دانا " اشياء كثيرة عنه , واول ما تخرجت طلب يدها وتزوجوا .... وكان اهو يحبها , لكنه من الصوب الثاني يخونها و يطلب منها تصير مثل حبيباته الاجنبيات !!! وكانت اهي تحاول تتغير عشانه واهو ما يعجبه شي .. وفي يوم من الايام كان سكران وتم يقارنها مع حبيبته الاولية و اهي كانت وقتها تعبانة نفسياً , خاصة واهي من نوعها حساسة كثير , فـ طلبت الطلاق وخذت ولدها " ليث " وردت بيت اهلها !, والحين مروا 3 سنين ...
..... : صددددمة !
رفيف وبنبرة حُزن : الحين اهي تدرس وتشتغل رغم انه خالتها وزوج خالتها يصرفون عليها , لكنها تبي تعتمد على نفسها . كان حلمها كبير وتهدم قدامها بـ لحظة .. والحين اهي تحاول تبنيه ...

تدخلت عليهم " دانا " واهي مادة بوزها شبرين وقعدت جنب " رفيف " وحطت يدها على خدها وتمت تتكلم صوت واطي وتسب وتلعن !
حاولت " رفيف " تسألها لكن " دانا " ما رضت تقول لها وتمت مبوزة طول الحفلة وطلعت منه بسرعة ..!

تموا يسولفوا بالسيارة عن الحفلة وكشخة " ريماس " وعن كل حدث صار لهم . و " رفيف " سكتت عن سالفة البنت اللي سألت عن " وصايف " لانه ممكن تذبحها ...
وصلت " رفيف " للبيت وعقب مرت صوب بيتهم بما انه " وصايف " بتبات عندهم الليلة .
واول ما بغوا ينزلوا من السيارة , انصدموا اهما الاثنين بوجود سيارة معروفة مين صاحبها !!!!!!!!!

- نهاية الفصل الاول -